Një nga pamjet më mahnitëse të Tokës janë aurorat, kur qiejt e mbrëmjes rreth poleve të Veriut dhe të Jugut ndriçohen nga disa fasha fantazmagorike drite, shkruan InLajmi.
Kjo pamje e pazakontë shkaktohet nga veprimi i fushës magnetike të Tokës mbi rrymat e grimcave që vijnë nga dielli me anë të erës diellore.
Aurora Australis (Drita e Jugut), shihet nga Stacioni Hapësinor Ndërkombëtar.
Dritat Jugore (Aurora Australis) ndriçojnë qiellin e natës me nuanca vezulluese të gjelbër, blu, vjollcë dhe të kuqe.
Dritat Jugore mund të shikohen gjatë gjithë vitit edhe pse më së shpeshti gjatë dimrit, majit deri në gusht dhe gjatë ekuinoksit pranveror në shtator.
Fotografët anembanë Australisë do t’ju thonë se Aurora Australis është e dukshme nga shumë vende, por shansi juaj më i mirë për ta dëshmuar këtë fenomen është të jeni sa më larg në jug (që do të thotë Tasmania).
Gjithçka që ju nevojitet për një shikim është një horizont i gjerë (larg nga drita artificiale), një aparat fotografik i mirë dhe një kohë e mirë. /InLajmi/
Burimi: Discovery Channel
