7 persona me koronavirus kanë vdekur brenda 24 orëve të fundit në Shqipëri.
“Me gjithë përpjekjet e mjekëve në 24 orët e fundit ka 7 humbje jete me Sars-Cov2 pozitiv: Tre qytetarë nga Tirana 40-82 vjeç, dy qytetarë nga Fieri 59-77 vjeç, një qytetar 67 vjeç nga Berati, një qytetar 80 vjeç nga Lezha. Ministria e Shëndetësisë dhe Mbrojtjes Sociale u shpreh ngushëllimet familjarëve”, thuhet në njoftimin e Ministrisë së Shëndetësisë në Shqipëri.
Ministria e Shëndetësisë në Shqipëri ka bërë gjithashtu të ditur se gjatë 24 orëve të fundit kanë rezultuar pozitivë edhe 393 qytetarë nga gjithsej 2.793 testime të kryera.
Janë shëruar 539 qytetarë gjatë 24 orëve të fundit duke e çuar numrin e të shëruarve në 192.967 që nga fillimi i pandemisë.
Aktualisht në spitalet për koronavirus po marrin trajtim 151 pacientë, nga të cilët 15 janë në gjendje më të rënduar, transmeton Top Channel.
Në ndërkohë në gjithë Shqipërinë janë 6.206 pacientë aktivë me koronavirus.
