Lëvizja Studentore për Barazi, “Studim, Kritikë, Veprim”, ka njoftuar se kanë marrë konfirmimin nga MASHTI se edhe provimet që paraqiten për më shumë se njëherë do të bëhen pa pagesë.
SKV njofton se më 15 nëntor, ka dorëzuar në MASHTI kërkesën për heqjen e pagesave për ata që paraqesin provimet për herë të dytë e tutje, dhe të martën kanë marrë konfirmimin se pagesat janë hequr.
“Ky është një lajm tjetër i mirë për studentët duke i ofruar atyre mundësi të barabarta për t’iu nënshtruar provimeve dhe duke lehtësuar procedurat e tjera administrative”.
SKV-ja njoftoi më tej se pavarësisht se sa herë studenti paraqet një provim, kjo do të jetë pa pagesë.
“Arsim publik falas, pa pagesë semestri, pa pagesë paraqitja e provimeve”, thuhet nga Lëvizja përcjell Telegrafi.
Kujtojmë që edhe regjistrimi i semestrit për herë të parë është falas, derisa për herët tjera bëhet më pagesë.
