Edicioni i 60-të i Festivalit të Këngës në Radio Televizionin Shqiptar do të mbahet këtë vit në datat 27, 28, 29 dhjetor në Pallatin e Kongreseve. Këtë të hënë, u prezantua zyrtarisht edhe grupi që do të prezantojë 3 netët live.
Ardit Gjebrea rikthehet në një edicion jubilar të 60-të të Festivalit të Këngës në rolin e prezantuesit. Por nuk do të jetë vetëm. Në krah do të ketë edhe 2 partnere e që ato janë Jonida Maliqi dhe Xhemi Shehu, si dhe Isli Islamin dhe Kelvi Kadillin.
“Prisni dashuri dhe muzikë të vertetë!”, ishin fjalët e Ardit Gjebrea në konferencën për shtyp të #Fest60, më 6 dhjetor.
Po kështu, janë zyrtarizuar edhe emrat që do të shkruajnë seknarin. Kozeta Kurti dhe Zefina Hasani do të jenë pjesë e Festivalit si bashkëskenariste. Në konferencën e sotme, ato zbuluan disa nga zyrprizat që do të shoqërojnë 3 netët e festivalit, përcjell Insajderi.org.
Nata e parë i dedikohet konkurrimit të 20 këngëtarëve, nata e 2-të do t’i dedikohet nostalgjisë, me çdo emër që ka lënë gjurmë në këtë festival në 60 vjet histori dhe nata e tretë, 29 dhjetor, do të jetë e përshtatur sipas formatit të Eurovisionit.
