Në komunën e Prishtinës është bërë prezantimi i hulumtimit “Vlerësimi i nevojave të familjeve të skemës sociale”, sipas tyre qëllimi i të cilit është paraqitja e një pasqyre të qartë të gjendjes sociale reale në Prishtinë dhe ndërtimi i politikave për përmirësimin e gjendjes aty ku ka nevojë, raporton InLajmi.
Nga komuna është bërë e ditur se ky hulmtim është filluar me 17 maj të këtij viti dhe ka përfunduar me 15 nëntor dhe sipas tyre ky hulumtim është kryer në bashkëpunim me Drejtorinë për Mirëqenie Sociale në Komunën e Prishtinës me Departamentin e Psikologjisë në Universitetin “Hasan Prishtina”.
Dekani i Fakultetit Filozofik në Departamenti e Psikologjisë, Dashamir Bërxulli, tha se ky projekt është kryer në bashkëpunim me botën akademike me institucionet publike të Kosovës.
“Bëj thirrje që institucionet publike të bashkëpunojnë edhe më shumë me Universitetin e Prishtinës”,deklaroi Bërxulli.
Tringa Mehmeti, psikologe ka thënë se bashkë me komunën kanë përpiluar 2 pyetësorë, të cilat i janë adresuar familjeve të cilat janë me skemë sociale.
“Administrimi i pyetësorëve është bërë me ndihmën e anketueseve, të cilët kanë qenë studentë të shkencave sociale ose të sapo diplomuar të këtyre degëve”, bëri të ditur Mehmeti.
Psikologia Mehmeti gjithashtu ka thënë se njëra nga vështirësitë në procesin e hulumtimit ka qenë se respodentët kanë pritë që ka me pas ndihma nga anketuesit.
Koordinatori në Drejtorinë për Mirëqenie Sociale, Premtim Fazliu tha se kanë arritur që hulumtimi të realizohet në 1.114 familje apo 57.4%.
“Apartamentet banesore 18.1%, shtëpi e re në gjendje të mirë 23.2%, shtëpi e vjetër në gjendje relativisht të mirë 81.7%, shtëpi e shkatërruar 15.1%, akomodim për refugjatë (kamp ndërtesë e adaptuar) 0.8% , tjetër 2.4%”.
Fazliu ndër të tjera ka thënë se sipas këtij hulumtimi çështja e strehimit, qoftë të përhershëm ose i përkohshëm nuk përbën shqetësim.
“Prona ku jetojnë në 60.5% të rasteve është i ndonjë anëtari të familjes, 17.7% të afërmve, 13.5% jashtë familjes, 4.8% komunës/shtetit dhe të tjerë. Qiraja e paguar ndryshon nga 50 deri në 320 euro ne muaj me qira mesatare prej 130 euro për muaj”, deklaroi Fazliu.
“39% të familjeve raportojnë se të kenë huazuar para dhe kryesisht nga familjarë apo miq 81% pasuar nga bankat tregtare me 12 dhe 3% nga huamarrës joformal. Shumat e huazuara janë nga 10 euro deri në 50.000 euro. Shuma mesatare e huazuar është 854 euro me këste mujore mesatare prej 40 euro në muaj”, deklaroi Fazliu.
Nga ky hulmtim gjithashtu kanë nxjerrut edhe borxhet e shërbimeve publike ku ka rezultuar se 47% raportojnë të kenë borxhe për ujesjellës nga 1 deri në 5000 euro më një mesatare prej xx euro. 46% raportojnë të kenë borxher për rrymë elektrike nga 10 deri në 30000 euro me një mesatare të borxhit prej xx euro.
Fazliu gjithashtu tregoi se kur respodentët janë pyetur se cili ka qenë sëmundja më e rëndë që ka vuajtur ndonjë anëtarë i familjes është raportuar si në vijim: 50.2% ftohje ose gripi, COVID-19 6.4%, dhimje në shpinë/gju 3.3%, problemet psikologjike 4%, tjetër 30%.
“Instrument i përdorur për matjen e distresit psikologjik je indikacionet se me gjasë 70% të intervistuarve kryefamiljare mund të kenë edhe problem të rënda të shëndetit mendor (ankth, stress ose depresion) dhe 9% me gjasë të kenë problem të moderuara të shëndetit mendor (ankth, stress ose depresion)”. /InLajmi/
