Kryetari i AAK-së, Ramush Haradinaj, ka thënë për xhudisten e njohur kosovare, Majlinda Kelmendi, se ajo na dhuroi shumë çaste krenarie, përcjell InLajmi.
Haradinaj e ka quajtur Majlinda Kelmendin, mbretëreshë të xhudos.
Më pas, Haradinaj tha se Majlinda do të mbetet gjithmonë heroina jonë, duke shtuar se fitoret e saj do të vazhdojnë të frymëzojnë në shumë gjenerata të sportistëve shqiptarë.
Postimi i plotë i tij:
Ajo na solli lajme të mira e na dhuroi shumë çaste krenarie. Lartësoi e i dha ngjyra flamurit tonë. U bë inspirim, nder dhe krenari e shqiptarëve.
Ajo është çika jonë e artë. Mbretëresha e Xhudos.
Majlinda Kelmendi që sot përmbylli karrierën e saj si garuese, do të mbetet përgjithmonë heroina jonë. Fitoret e saja do të vazhdojnë të frymëzojnë gjenerata të tëra të sportistëve shqiptarë.
Fat e suksese të mëtejshme Majlinda!/InLajmi/
