Gjatë sezonit të dimrit shumica e femrave interesohen për të gjetur rroba për të qëndruar ngrohtë, për t’u ndjerë rehat dhe për t‘u dukur “shik”, kjo është edhe arsyeja kryesore që veshjet tona t’i afrohen së përkryerës gjatë periudhës së dimrit, shkruan InLajmi.
A keni qëndruar ndonjëherë përpara dollapit tuaj të mbushur plot me rroba, duke parë më shumë se sa veshje të mjaftueshme dhe mendoni: Nuk kam asgjë për të veshur? Njësoj. Por ndoshta çështja nuk është se ju jeni jashtë zgjedhjeve të përshtatshme të veshjeve. Ju duhet vetëm një dozë e freskët frymëzimi për t’ju ndihmuar të shihni veshjet tuaja në një mënyrë të re.
Tash është sezoni për palltot tuaja më të rënda dhe këpucët më të trasha, pra kjo do të thotë se mund të filloni të ëndërroni për të gjitha idetë e lezetshme të veshjeve dimërore që do të krijoni brenda pak javësh duke përfshirë edhe kohën e festave. Fatmirësisht, ka një ton frymëzimi në stilin e rrugës që po bën xhiron tani. Kështu që do të gjeni kombinime të pagabueshme të veshjeve për t’i marrë parasysh nëse po kërkoni t’i përgjigjeni një prej enigmave më të mëdha të stilit të dimrit.
Në vazhdim 5 ide të veshjeve dimërore, për t’ju ndihmuar të zotëroni pa dhimbje veshjen në mot të ftohtë. Hidhuni një sy fotove të mëposhtme për t’u frymëzuar në realizimin e një kombinimi sa të përsosur, aq edhe të rehatshëm për ditët e ftohta të dimrit:
-Gjatë sezonit të dimrit mund të vishni një pallto të madhe me një palë xhinse dhe një xhemper që ju mban ngrohtë, shtojini veshjes një palë çizme dhe çantë krahu. Kështu ju sapo keni krijuar një veshje të përsosur.
– Palltoja e trashë prej gëzofi: Prekja e gëzofit në vetvete është mjaft komode dhe mjafton të investoni në këto pallto leshi që do t’iu mbajë të ngrohtë dhe në krye përsa i përket modës këtë dimër. Gjithashtu veshjes mund t’i shtoni pantollona të zinj dhe kapelë të zezë.
-Pallton me ngjyrë kremi mund ta kombinoni me një xhemper të bardhë dhe me pantollonat që janë “trendi” kohët e fundit. Stilit tuaj mund t’ia bashkangjisni edhe një çantë dhe aksesorë sipas dëshirës.
-Gjatë dhjetorit ju mund të vishni edhe fustan pa problem duke e kombinuar me çizme të gjata dhe një pallto elegante. Mund të arrini një stil që të dukeni bukur dhe njëkohësisht tërheqëse.
-Pantollonat prej lëkure mund t’i kombinoni me një pallto dhe këmishë të bardhë si dhe çizme të zeza. Këta pantollona mund të duken të shkëlqyera dhe janë absolutisht të përshtatshme për të gjitha situatat. Veshjes mund t’i shtoni edhe çantë dhe aksesorë dhe mund të arrini stilin që dëshironi, për t’u dukur sa më elegante.
Ajo që vishni është mënyra se si e prezantoni veten para botës, veçanërisht sot, kur kontaktet njerëzore janë kaq të shpejta andaj edhe ndjehet nevoja për të dalë sa më bukur. Sipas Rachael Zoe “Stili është mënyra për të thënë kush je, pa folur”. /InLajmi/
