Ministri i Bujqësisë, Faton Peci ka reaguar rreth aksionit të Policisë së Kosovës për rastin “subvencioni 2021”, duke thënë se e përshëndetë këtë aksion, përcjell InLajmi.
Peci gjithashtu ka shkruar paratë e taksapaguesve të qytetarëve të Kosovës duhet të destinohen vetëm në adresa meritorë, në këtë rast vetëm tek fermerët meritorë.
Ai gjithashtu ka thënë se këto arrestime janë në vazhdën e arrestimeve të mëhershme të muajit shkurt.
Postimi i plotë i tij:
E përshëndes aksionin e sotëm të policisë së Republikës së Kosovës, rasti “subvencioni 2021” dhe organeve tjera të drejtësisë në përpjekjen për sundimin e së drejtës në institucione tona.
Paratë e taksapaguesve të qytetarëve të Republikës së Kosovës duhet të destinohen vetëm në adresa meritore, në këtë rast vetëm tek fermerët meritorë.
Këto arrestime janë në vazhdën e arrestimeve të mëhershme të muajit shkurt dhe qershorit të këtij viti. Bashkëpunimi me organet e drejtësisë për ti dhënë epilog të gjitha keqpërdorimeve dhe abuzimeve të parasë publike në Institucionet e Republikës së Kosovës nuk ka alternativ, është imperativ i kohës. /InLajmi/
