Ish-kandidati për kryetar të Prizrenit nga radhët e Nismës Socialdemokrate, Zafir Berisha ka bërë të ditur se nuk do të jetë pjesë e Kuvendit Komunal të Prizrenit , kjo për shkak të angazhimeve të tjera partiake dhe atyre publike të partisë në fjalë, përcjell InLajmi.
Ai u shpreh i bindur se Shukri Quni në mandatin e 5-të në Kuvendin e Prizrenit si punëtor i arsimit dhe invalid i UÇK-së do punoj pa ndalur për t’i shërbyer qytetarëve të Prizrenit në 4 vitet në vijim.
Kujtojmë se ish-kandidati Berisha ishte në koalicion parazgjedhor për balotazh me Partinë Demokratike të Kosovës, ku mbështetej Shaqir Totaj për t’u zgjedhur kryetar i Prizrenit.
Postimi i plotë i tij, pa ndërhyrje:
Të nderuar miq,
Të respektuar bashkëpunëtor e nismëtar!
Për arsye të angazhimeve të tjeta partiake dhe publike në vazhdën e avansimit të frymën socialdemokrate të Nisma-s, nuk do të angazhohem në Kuvendin e Prizrenit.
Jam i bindur se me përgjegjësi të madhe sikurse edhe deri sot, Shukri Quni për mandatin e 5-të në Kuvendin e Prizrenit, si njeri i dëshmuar dhe punëtor i arsimit dhe invalid i UÇK-së, nuk do të ndalet asnjëherë për ti shërbyer qytetarëve të Prizrenit në 4 vitet e ardhshëm!
Nga unë Zafa respekt për të gjithë ata që qëndruan besnik vizionit tonë në betejën politike për Prizren.
Vazhdojmë 4+4 /InLajmi/
