Kryetari i Klinës, Zenun Elezaj, është dënuar nga Gjykata Themelore e Pejës me 4.000 euro gjobë për veprën penale “konflikt interesi” dhe për këtë ka reaguar avokati i tij, përcjell InLajmi.
Sipas Gjykatës së Pejës, është vërtetuar se Elezaj si kryetar i komunës së Klinës ka ndikuar në punësimin e vajzës së tij në Qendrën Kryesore të Mjekësisë Familjare në këtë komunë.
Avokati i Elezajt, Kujtim Kerveshi, ka thënë se as ky aktgjykim i këtij trupi gjykues nuk mbështet në asnjë provë dhe është në kundërshtim të plotë edhe me sugjerimet e Gjykatës së Apelit e cila ka prishur aktgjykimin paraprak të këtij trupi gjykues dhe ka udhëzuar gjykatën e shkallës së parë se çfarë prova dhe dëshmi duhet të sigurohen.
Avokati i Elezajt ka thënë se nuk e pranon standardin e vendosjes së këtj trupi gjykues. Sipas tij asnjë dënim e as gjobë nuk është e pranueshme dhe shprehet se është i bindur se Gjykata e Apelit do t’i japë epilog meritor kësaj sage të re të drejtësisë.
Për gjitha palët e interesuara;
Jam njoftuar se trupi gjykues i Gjykates Themelore ne Peje sot ka shpallur aktgjykim me te cilin klienti im, Zenun Elezaj, Kryetar i Komunes se Klines është shpallur serish fajtor, por tani me një denim më të ulët, atë me gjobë prej 4000 euro.
As ky aktgjykim i këtij trupi gjykues nuk mbeshtet ne asnje prove, sic nuk është mbështetur as heren e pare kur Elezaj është shpallur fajtor, dhe edhe ky aktgjykim eshte ne kundershtim te plote tani edhe me sugjerimet e Gjykates se Apelit e cila ka prishur aktgjykimin paraprak te ketij trupi gjykues dhe ka udhezuar gjykaten e shkalles se pare se cfare prova dhe deshmi duhet te sigurohen.
Trupi gjykues ne rigjykim i ka ndegjuar dy deshmitaret sipas sugjerimit te Gjykates se Apelit dhe deshmite e te 2 deshmitareve kane qene shfajesuese per z Elezaj.
Si mbrojtes nuk mund ta pranoj standardin e vendosje se ketij trupi gjykues.
Për ne as nje denim, as ky me gjobë nuk eshte i pranueshem sepse z Elezaj nuk ka kryer vepren penale me te cilen eshte shpall fajtor dhe se jemi te bindur se Gjykata e Apelit do ti jap epilog meritor kesaj sage te re të drejtësisë. /InLajmi/
