Hoxhë Halil Kastrati nga “Jetimat e Ballkanit” nuk e ka ndërmend të ndalet duke ndihmuar njerëzit në nevojë, duke siguruar ushqim e veshëmbathje, kulm mbi kokë, duke ndihmuar të sëmurët, duke siguruar strehim për të moshuarit pa përkujdesje, përcjell InLajmi.
Ai, falë ndihmës së donatorëve të cilët kanë arritur besimin te ai, do të vijë me një projekt po ashtu shumë të rëndësishëm për të moshuarit.
“Bëhet fjalë për projektin “Qëndrimi Ditor” për të moshuarit dhe Kuzhina Humanitare, i cili projekt po bëhet realitet falë një Memorandumi të Bashkëpunimit të arritur muaj më parë me kryetarin e Vushtrrisë, Xhafer Tahiri. Gurthemeli vendoset të shtunën, më 4 dhjetor, në ora 13:00”, ka njoftuar Kastrati përmes rrjeteve sociale, derisa përbri statusit ka postuar edhe disa fotografi se si do të duket ky projekt.
Postimi i plotë i tij:
Edhe një projekt i madh për të moshuarit tanë! 😊
Projekti i radhës i “Jetimave të Ballkanit” po fillon në Vushtrri.
“Qëndrimi Ditor” për të moshuarit dhe Kuzhina Humanitare po bëhen realitet falë një Memorandumi të Bashkëpunimit të arritur muaj më parë me kryetarin e Vushtrrisë, Xhafer Tahiri.
Gurthemeli vendoset të shtunën, më 4 dhjetor, në ora 13:00.
Bamirës, Zoti kurrë mos ju humbtë!
/InLajmi/
