Aktorja kosovare, Yllka Gashi u nderua me mirënjohje nga kryetari i komunës të Stamfordit në SHBA për punën e saj në filmin “Zgjoi”, përcjell InLajmi.
Aktorja u dekorua me mirënjohje derisa po festonte festën e 28 Nëntorit, e sipas saj kjo e bëri edhe me të veçantë dhe me të nderuar.
Ajo ka rrëfyer lidhjen e saj mes Kosovës dhe Amerikës duke thënë se si qyteti i Stamfordit u bë shtëpi e 2-të për të dhe familjen e saj.
Yllka Gashi ka bërë të ditur se në këtë ceremoni të organizuar nga Qendra Rinore Shqiptare në Greenwich i pranishëm ishte edhe biznesmeni, filantropi dhe patrioti i suksesshëm shqiptaro-amerikan Richard Llukaj, si dhe përfaqësues te tjerë.
Postimi i plotë i saj:
Në vitin 2015 kur unë dhe familja ime erdhëm për të jetuar në Amerikë, qyteti i Stamfordit në Connecticut, u bë shtëpia jonë larg shtëpisë!
Së bashku me vajzën time, ecja çdo ditë në rrugët e qendrës së qytetit – Mill River Park, Biblioteka Ferguson dhe këndi i lojërave Cove Beach – ishin ndër destinacionet tona të preferuara. Çdo ditë duke shëtitur lagjet dhe duke mësuar gjëra të reja dhe ndërsa më mungonte familja dhe vendlindja ime, Stamford arriti të më sillte gëzim dhe siguri në jetë. Edhe pse ne tashmë jetojmë në një tjetër qytet,Stamfordi ende mbetet një shtëpi e dytë për ne!
As në një milion vjet atëherë,nuk kam guxuar të ëndërroj se gjashtë vjet më vonë, në vitin 2021, ky qytet do të më nderojë me mirënjohjen e kryetarit të komunës për punën në “Hive” – kandidatin e Kosovës për Oscar 2022 dhe dashtë Zoti të nominuarin.
Jam thellësisht e nderuar dhe mirënjohëse!
Kjo mirënjohje është edhe më e veçantë sepse m’u dha dje teksa po festonim festën e Pavarësisë/Flamurit Shqiptar.
Në këtë ceremoni vjetore të organizuar nga Qendra Rinore Shqiptare në Greenëich dhe z. Richard Llukaj – biznesmen, filantrop dhe patriot i suksesshëm shqiptaro-amerikan – ndër të ftuarit specialë që na nderuan me praninë e tyre ishin edhe kryetari aktual i Stamfordit z. David Martin.
Kryetarja e sapozgjedhur e bashkisë znj. Caroline Simmons,
- Jim Himes – Përfaqësuesi i SHBA (D-CT 4th District) dhe
- Ferit Hoxha – Ambasador i Shqipërisë në Kombet e Bashkuara në Neë York City.
Faleminderit të gjithëve për punën tuaj të palodhur, përfshirjen dhe vlerësimin e komunitetit shqiptar në SHBA!
Faleminderit Stamford!
Do ta kesh një vend të veçantë në zemrën time përgjithmonë! /InLajmi/
