I pari i PDK-së, Memli Krasniqi sot në Bruksel është takuar me Përfaqësuesin Special të Bashkimit Evropian për Dialogun, Miroslav Lajçak, me të cilin ka diskutuar për ecurinë e procesit të dialogut mes Kosovës dhe Serbisë, përcjell InLajmi.
“PDK, si parti shtetformuese dhe lidere e opozitës mbështetë dialogun, i cili duhet të përfundojë me njohjen e pavarësisë së Kosovës nga Serbia. Në Bruksel takova edhe Zëvendës Drejtorin për Europë në Shërbimin Evropian për Veprim të Jashtëm, Marko Makovec, me të cilin folëm për thellimin e bashkëpunimit dhe koordinimit të Kosovës me Bashkimin Europian në çështjet politike, përfshirë zbatimin e MSA-së dhe rekokandimet e Raportit për Vendin”, ka njoftuar Krasniqi.
Postimi i plotë i tij:
Sot në Bruksel takova Përfaqësuesin Special të Bashkimit Europian për Dialogun, Miroslav Lajçak, me të cilin diskutuam për ecurinë e procesit të dialogut mes Kosovës dhe Serbisë. PDK, si parti shtetformuese dhe lidere e opozitës mbështetë dialogun, i cili duhet të përfundojë me njohjen e pavarësisë së Kosovës nga Serbia.
Në Bruksel takova edhe Zëvendës Drejtorin për Europë në Shërbimin Evropian për Veprim të Jashtëm, Marko Makovec, me të cilin folëm për thellimin e bashkëpunimit dhe koordinimit të Kosovës me Bashkimin Europian në çështjet politike, përfshirë zbatimin e MSA-së dhe rekokandimet e Raportit për Vendin.
Rruga e integrimeve europiane për Kosovën është synim i qytetarëve të vendit tonë, ndërsa BE duhet të jetë më proaktive në këtë proces në mënyrë që integrimi i vendeve të Ballkanit Perëndimor në familjen europiane të ndodhë sa më parë./InLajmi/
