I pari i Alenacës për Ardhmërinë e Kosovës, Ramush Haradinaj tha se Rrahman Rama luajti rol shumë të rëndësishëm duke e quajtur atë thuajse kryesor në të arriturat e Ushtrisë së Kosovës, përcjell InLajmi.
Ai tha se Ramën e njeh prej kohësh nga afër e poashtu edhe në punë, duke theksuar se Rama ka bërë punën më shumë profesionalizëm, veç tjerash ai e falënderoi ish-Gjeneral Ramën për shërbimin.
Haradinaj uroi komandantin e ri të FSK-së duke thënë se do të jemi bashkë në punë të mira për sigurinë e atdheut, shtetit dhe Republikës së Kosovës.
Postimi i plotë i tij:
Në krejt të arriturat e Ushtrisë së Kosovës, Gjenerallejtënant Rrahman Rama luajti një rol shumë të rëndësishëm dhe thuajse kryesor. E njoh shumë gjatë dhe nga afër, e njoh në punë me shumë profesionalizëm. Faleminderit për shërbimin Gjeneral Rama.
Komandantit të ri të FSK-së, ushtarakut të UÇK-së e pjesëtarit të një familje emblemë kombëtare, Gjeneralmajor Bashkim Jashari i uroj suksese dhe punë të mbarë. Jemi bashkë në punë të mira për sigurinë e Atdheut dhe të shtetit tonë, Republikës së Kosovës./InLajmi/
