Donika Gërvalla, ministre e Punëve të Jashtme të Kosovës ka treguar nëse i është kërkuar dorëheqja nga kryeministri Albin Kurti. Gërvalla tha se nuk ka krisje në koalicionin VV-Lista Guxo.
“Nëpër kafe nuk shkoj se jo vetëm që nuk kam natyrë më kalu kohën gjithë ditën në kafe por edhe puna nuk ma lejon një gjë të tillë. Prandaj këto mbeten llafe të kafeve dhe të kafeneve.
Me kryeministrin Kurti kemi relacione shumë të mira të partneritetit jo vetëm në koalicion por edhe të koordinimit tepër të mirë të punëve të përbashkëta që i bëjmë. Ne kemi ato raporte që kemi pasur në fillim të koalicionit. S’ka ndryshim të raporteve tona”, thotë ajo.
Por a i kërkoi dorëheqjen Kurti nga pozita si Ministre e Punëve të Jashtme, shkruan Gazeta Express
“Albin Kurti asnjëherë as nuk ka qenë një bisedë e tillë. Më shumë sesa Kurti dhe unë të tregojmë vazhdimisht që nuk ka asgjë në atë mes.”, theksoi Gërvalla.
