Shumë shtete të botës tashmë janë mobiluzuar me masat përkatëse për tu mbrojtur nga variant i ri i koronavirusit, i emëruar Omicron, përcjell InLajmi.
Lidhur me këtë, ka reaguar presidenti i SHBA-së, Joe Biden, dhe Drejtori i Institutit Kombëtar për Alergji dhe Sëmundje Ngjitëse në Shtetet e Bashkuara, Dr. Anthony Fauci, të cilët kanë folur për efikasitetin e vaksinave anti-Covid ndaj këtij varianti.
“Do të kalojnë disa javë para se të dimë gjithçka që duhet rreth asaj se sa mbrojnë vaksinat ekzistuese kundër variantit të ri. Por Dr. Fauci dhe ekipi ynë mjekësor besojnë se vaksinat tona do të vazhdojnë të ofrojnë një shkallë mbrojtjeje kundër sëmundjeve të rënda”, ka shkruar Biden në llogarinë e tij në Twitter.
Tutje, presidenti amerikan tha se nëse qytetarët janë të vaksinuar, kanë kudjes, bartin maska, atëherë nuk do të ketë vend për panikë.
Omicron, besohet se është më infektues se variantet paraprake, edhe pse ekspertët ende nuk e dinë nëse ky variant shkakton sëmundje më të rëndë.
Ndryshe, raste me Omicron kanë regjistruar, Mbretëria e Bashkuar, Gjermania, Italia, Belgjika, Danimarka, Botsvana, Izraeli, Australia, Hong Kongu dhe Çekia, ndër të tjera./InLajmi/
