Ish-ministrja e Arsimit, Shkencës dhe Teknologjisë, Hykmete Bajrami, i është përgjigjur së fundmi analistit Imer Mushkolaj lidhur me deklaratën e tij, përcjell InLajmi.
Mushkolaj, kishte kërkuar nga Hykmeti që ta zbardhë rastin e 2 milionë eurove para se të merret me rastin në Gllogjan
“Me pasë qenë në vend të kësaj zonjës gojën s’e kisha çelë. Hiç 2 milionë euro janë vjedhë nga Thesari në kohën e saj ministre. Tash mban ligjëratë, por krimi i 2 milionëve nuk është zbardhur”, ka thënë Mushkolaj.
Ndërsa Bajrami i është kundërpërgjigjur menjëherë.
“Unë s’kam bërë asgjë në këtë jetë për të me ardhë turp dhe për ta mbajtë gojën mbyllur”, tha Bajrami
Tutje, Bajrami, kërkon nga Mushkolaj që të shkojë në burg që t’i gjejë hajnat e 1.2 milionë eurove. Dhe i sqaron atij se më mirë do të ishte të informohej në lidhje me këtë rast pasi gjithçka po zbardhet dhe të akuzuarit janë në paraburgim.
Postimi i plotë i saj:
Mushkolaj, unë s’kam bërë asgjë në këtë jetë për të me ardhë turp dhe për ta mbajtë gojën mbyllur.
Shko i gjen në burg hajnat e 2.1 milionë eurove.
Me pasë qenë në vendin tuaj isha informu se çka ka ndodh me rastin e 2.1 milionë euro. Isha informu se ka aktakuzë për këtë rast, ka nisë gjykimi dhe të akuzuarit janë në paraburgim. Gjithçka po zbardhet dhe dihet çdo cent se ku ka shku. Drejtësia po e kryen punën e saj.
Si në kohën time, si në kohën tënde, si në kohën e Qeverisë së tanishme, krimet duhet të zbardhen dhe kriminelët të dënohen.
Për secilin krim kurdo e kudo që ndodhë do të kërkoj të zbardhet. Sikurse edhe krimi në Gllogjan të Deçanit.
/InLajmi/
