Partia Social-Demokrate ka organizuar një aktivitet simbolik afër qeverisë ku kanë vendosur një pikë votimi për referendumin e bashkimit të Kosovës me Shqipërinë, raporton InLajmi.
Këtë e ka bërë të ditur Nol Nushi, anëtar i kësaj partie, i cili ka thënë se këtë e kemi nisur nga deklaratat e kryministrit Kurti, i cili thoshte se do të votonte për bashkim nëse ka një referendum.
“Kemi vendosur një pikë votimi ku mund të votohet për referendumin për bashkimin me Shqipërinë. Kjo është nisë nga deklaratat e Kurtit, i cili thoshte se do të votonte për bashkim, nëse do të kishte një referendum paqësor dhe demokratik”, tha Nushi para mediave.
“Po e presim Kurtin që të vijë nga zyra e tij dhe të votojë. Ne e dimë se Kurti ka 700 punë, por besoj se punë ma të rëndësishme se bashkimi kombëtar nuk ka”,u shpreh tutje Nushi.
Tutje ai ka thënë se ne e dijmë se Kurti do të votonte për po, vetëm se nuk iu ka ofruar mundësia.
“Pyetja është shumë e thjeshtë, po ose jo, ne e dimë se Kurti do të votonte po, vetëm se nuk i është ofruar mundësia, ne sot ia kemi ofruar mundësinë, e kemi vendosur afër qeverisë që mos me pas nevojë me i ndez ata 24 xhipat e blindum dhe me bo panik nëpër qytet”.
“Kjo pikë votimi është vetëm për zotin Kurti, për të tjerët kur ta kryen ai votimin”./InLajmi/
