Ministri i Punëve të Brendshme, Xhelal Sveçla ka thënë se kanë informacione të ndryshme lidhur me vrasjen e 3 personave gjatë sulmit të mbrëmshëm në një autobus në Gllogjan, raporton InLajmi.
Në një konferencë për media, ai i ka bërë thirrje vrasësit që të dorëzohet sa më parë.
Sveçla para mediave ka thënë se policia po i trajton informacionet që i ka një nga një.
“Kemi informacione të ndryshme, në rrugë të ndryshme, të cilat policia po i trajton një nga një. Unë i bëj ftesë, ultimatum vrasësit që të dorëzohet për shkak se çdo ditë i rëndon të tjerët. Kushdo që ndihmon vrasësit, përbën vepër të rëndë penale. Nuk ka solidaritet me vrasësin e 2 nxënësve dhe shoferit”, ka thënë ai.
Ndryshe, Sveçla ka konfirmuar se po koordinohen me AKI-në lidhur me zbardhjen e rastit./InLajmi/
