Presidentja e Kosovës Vjosa Osmani është politikania kosovare më e pëlqyer në Shqipëri: Mbi 81% e qytetarëve kanë mendimin më pozitiv për të.
Osmani është edhe udhëheqësja kosovare që ka nivelin më të ulët të mendimit negativ në Shqipëri, vetëm rreth 9% e qytetarëve të Shqipërisë kanë mendim negativ për të.
Në përgjithësi, shqiptarët e Shqipërisë kanë mendim pozitiv për të gjithë politikanët më të rëndësishëm kosovarë. Pas Osmanit, Behgjet Pacolli gëzon mendim pozitiv mes thuajse 77% të shqiptarëve, dhe me radhë Albain Kurti (rreth 76%), Ramush Haradinaj (72%).
Hashim Thaçi vjen më poshtë – rreth 63% e shqiptarëve kanë mendim pozitiv për të. Por Thaçi është politikani për të cilin ka më shumë mendimin negativ – 1/4 shqiptarë (25,2%) të Shqipërisë ka mendim negativ për të.
Drejtuesit e rinj të 2 partive të rëndësishme kosovare LDK dhe PDK gëzojnë njohje të pakët në Shqipëri: më shumë se 4 në 5 shqiptarë nuk i njohin Lumir Abdixhikun dhe Memli Krasniqin, përcjell euronews.al
Gjetjet janë të vrojtimit të Barometrit në Euronews, për periudhën 20-29 tetor 2021, kryer nga MRB dhe Data Centrum në nivel kombëtar me 1000 intervista ballë për ballë.
