Më shumë vende po shtrëngojnë masat kufizuese të udhëtimit pasi një varianti i ri i coronavirusit u identifikua në Afrikën jugore në fillim të kësaj jave.
Mbretëria e Bashkuar dhe Singapori janë ndër ato vende që po nxitojnë për masa më të rrepta karantine ose që ndalojnë fluturimet nga Afrika e Jugut dhe vendet fqinje.
BE-ja po propozon ndalimin e fluturimeve nga rajoni në të gjithë bllokun.
Shkencëtarët kanë ende shumë për të mësuar rreth variantit, por thonë se janë shumë të shqetësuar për këtë.
Organizata Botërore e Shëndetësisë (OBSH) ka thënë se do të duhen disa javë për të kuptuar ndikimin e variantit të ri, derisa shkencëtarët po punojnë në lidhje me shkallën e transmetimit të këtij varianti.
Varianti është shumë i ndryshëm nga të tjerët që janë shfaqur deri më tani. Shkencëtarë kanë thënë se është versioni që pëson më shumti mutacion, që do të thotë se vaksinat, të cilat janë krijuar duke përdorur llojin origjinal nga Wuhan, mund të mos jenë aq efektive.
Variantit të ri ende nuk i është dhënë një emër si Delta ose Beta, dhe tani njihet si B.1.1.529. OBSH pritet ta emërojë atë të premten dhe të njoftojë nëse është një variant shqetësimi apo thjesht një variant interesi.
Ku janë zbuluar rastet deri tani?
OBSH thotë se deri më tani janë raportuar më pak se 100 sekuenca të mostrave. Rastet janë konfirmuar kryesisht në Afrikën e Jugut, por janë zbuluar edhe në Hong Kong, Izrael, Botsvanë dhe Belgjikë.
Sekretari i Shëndetësisë në Mbretërinë e Bashkuar, Sajid Javid tha të premten se ka “shumë gjasa” të jetë përhapur në vende të tjera.
Shumica e rasteve në Afrikën e Jugut kanë qenë nga provinca e saj më e populluar, Gauteng, kryeqyteti i së cilës është Johannesburg.
OBSH-ja ka dhënë një paralajmërim ndaj vendeve që vendosin me nxitim kufizime udhëtimi, duke thënë se ata duhet të shikojnë një “qasje të bazuar në rrezik dhe në shkencë”, shkruan BBC.
Megjithatë, një numër në rritje i vendeve, duke përfshirë Britaninë e Madhe dhe Holandën, kanë ndaluar përkohësisht fluturimet nga këto vende të Afrikës jugore: Afrikë të Jugut, Bostvanë, Namibi, Zimbabve, Esëatini dhe në Lesotho, transmeton Telegrafi
Singapori, Italia, Franca dhe Izraeli janë ndër ato vende që kanë vendosur edhe Mozambikun në listën e tyre të kuqe.
