Nga sulmi që ka ndodhur pak minuta më parë në një autobus në Gllogjan, kanë mbetur të vdekur 3 persona, shoferi dhe 2 nxënës, përcjell InLajmi.
Këtë e ka konfirmuar për InLajmi, drejtori i Qendrës Kryesore të Mjekësisë Familjare në Deçan, Selmon Berisha.
“Në QKMF në Deçan kanë ardhur fillimisht si të plagosur rëndë 3 persona, pra me gjendje të rënduar. I kemi dërguar në Spitalin Regjional me shenja jete, derisa atje kanë ndërruar jetë. Bëhet fjalë për shoferin dhe 2 nxënës që janë nga Deçani. Për momentin i kemi këto informacione”, tha Berisha.
I pyetur se a ka të tjerë të lënduar që kanë ardhur së fundmi në QKMF, ai tha për momentin nuk ka persona të tjerë ./InLajmi/
