Policia e Kosovës ka njoftuar së rreth orës 13:00 në rrugën nacionale Prishtinë-Pejë, kryësisht në fshatin Korreticë, ka ndodhur një aksident trafiku, përcjell InLajmi.
Lajmin e ka konfirmuar zëdhënësi i Policisë Baki Kelani për gazetën InLajmi, ku ka bërë të ditur se në aksident janë të përfshire një automjet transportues dhe një veturë, si pasoj e aksidentit është lënduar një pasagjer në veturë.
“Sipas të dhënave që kemi nga terreni, ju njoftojmë se sot më datë 26.11.2021, rreth orës 13:00 në rrugën nacionale Prishtinë –Pejë, në fshatin Korreticë, ka ndodhur një aksident trafiku me lëndime ku janë të përfshira një automjet transportues dhe një veturë. Në këtë aksident lëndime trupore ka pësuar një person, pasagjer në veturë. Të gjitha njësitë e nevojshme policore kanë dalë në vendngjarje për ta trajtuar rastin”, ka deklaruar Kelani./InLajmi/
