Kryetari i Federatës Sindikale të Shëndetësisë së Kosovës, Blerim Syla në një konferencë për media u ka kërkuar falje të gjithë pacientëve për grevën e mbajtur gjatë së enjtes, raporton InLajmi.
Syla ka bërë të ditur se greva e thirrur për shka të moszbatimit të Ligjit të Pagave, është respektuar nga të gjithë punonjësit shëndetësor.
“Pacientë të dashur iu kërkojnë falje që Qeveria Kurti për 8 orë na bëri që të ndahemi nga ju. Në 43 qendra shëndetësore, në 7 spitale regjionale, qendra të mjekësisë i janë përgjigjur 100% grevës. Ky është unitet tregon se jeni të bashkuar për kërkesat e tona legjitime”.
“Janë punuar të gjitha rastet emergjente, siç është rasti i një fëmije në Kirurgjinë Torakale, nuk është lënë asnjë rast pa u punuar që ka qenë emergjent”.
Gjithashtu Syla ka theksuar se ky është mesazhi i fundit për Qeverinë, që të mos i detyrojnë të ndahen nga pacientët.
“Le të jetë ky mesazhi i fundit për Qeverinë, mos ta ndani prej pacientëve, mos ta shti me bo gjeste që nuk duam, nëse ju doni trazira sociale, ne do ta ruajmë shtetit tonë”.
“Zoti kryeministër të lutem të përgjërohem, të takohemi, kthjelluni dhe na ftoni në takim”.
Më tej ai ka thënë se kemi përkrahje nga të gjitha sindikatat për kërkesën tonë të miratimit të Projektligjit për Paga.
“Kemi përkrahjen nga të gjitha sindikatat, po i dërgojmë mesazh Kurtit që të na ftojë për Ligjin e Pagave, në buxhet nuk është i ndarë buxheti për këtë ligj. Jemi përkrahur edhe nga ndërkombëtarët” ./InLajmi/
