Nga sot punëtorët shëndetësorë të Kosovës kanë hyrë në grevë 8 orëshe për shkak të mosrealizimit të kërkesave të tyre për Ligjin e Pagave, raporton InLajmi.
Gjatë kësaj greve ka folur kryetari i Federates së Sindikatave të Shëndetësisë, Blerim Syla i cili ka thënë se punëtorët shëndetësorë në 43 qendra shëndetësore kanë hyrë në grevë.
“Pacientëve ju kërkoj falje që Qeveria Kurti na shtini që për 8-të orë të ndahemi nga ju. Greva do të vazhdojë edhe një orë e gjysmë. Në 43 qendra shëndetësore i janë përgjigjë 100% grevës. Për ne sindikalistës kjo është një arritje e madhe se po tregon një unitet sa i përket kërkesave tona. Sot janë punuar të gjitha rastet emergjente. Sot kjo grevë është senzibilizu në mbarë Evropën. Ne edhe njëhere po i dergojmë një mesazh kryeministrit Kurti që sot nga ora 15:00 të filloj të mendoj. Le te jetë ky mesazhi i fundit për Qeverinë Kurti, të ulem dhe të bisedojmë. Mos na shtini me bë gjëra të tilla”, ka shtuar ai.
Syla gjithashtu ka thënë se Federata sot ka marrë një përkrahje të madhe edhe nga ndërkombëtarët.
Gjithashedhe Rrahman Jashari nga SBASHK-u ka thënë se kërkesa e tyre është modeste, se duan dialog me qeverinë. Ai ka thënë se nëse kërkesat e tyre nuk pranohen, do të ketë edhe protesta e greva nga punonjësit e arsimit. /InLajmi/
