Ekrem Kastrati, sot ka marrë zyrtarisht pozitën si kryetari i ri i Malishevës, përcjellë InLajmi.
Pas marrjes së detyrës, Kastrati është shprehur mirënjohës, ku falënderoi tani ish-kryetarin Ragip Begaj, për punën e jashtëzakonshme për 8 vite me radhë në komunën e Malishevës.
Kastrati ka theksuar se synim ka jetësimin e projektit tonë madhor për Malishevën Urbane.
Postimi i plotë i tij:
Na priftë e mbara, Malishevë!
Faleminderit kryetar Begaj! Ju shprehi mirënjohjen time të madhe për punën e jashtëzakonshme që keni bërë në këto tetë vite, duke qeverisur mirë me Komunën e Malishevës.
Ne, konform përgjegjësive që kemi, me përkushtim të madh do të vazhdojmë projektet që ju keni nisur, për të filluar më pas një kapitull të ri zhvillimor, që për synim ka jetësimin e projektit tonë madhor për Malishevën Urbane.
Me emër të Zotit, i gjithë përkushtimi im do të jetë në funksion të së mirës së Malishevës dhe gjithë qytetarëve tanë, pa dallim./InLajmi/
