Deputetja nga radhët e PDK-së, Blerta Deliu-Kodra, e ka ndjerë vetën të obliguar të flasë në lidhje me deklaratën për të burgosurit në Maqedoni, e që sipas saj ajo deklaratë është keqkuptuar, raporton InLajmi.
Ajo në deklaratën e saj këtë të enjte në seancën e Kuvendit të Kosovës ka thënë se në asnjë moment nuk kam cilësuar të dënuarit që vuajnë burgimin në Maqedoni, si terroristë.
“E ndjej si obligim meqenëse herën e fundit në këtë parlament mu mohua e drejta e fjalës për të sqaruar një keqkuptim të dukshëm. Në asnjë moment, Blerta Deliu-Kodra nuk ka cilësuar të dënuarit që vuajnë burgimin në Maqedoni, si terroristë. Qëllimisht më është këputur një fjali nga konteksti për të deformuar gjithë idenë e replikimit, e keni keqinterpretuar si ju ka konvenuar”.
Tutje, Deliu-Kodra tha se Qeveria aktuale nuk di të bëjë gjë dhe se po mbajnë pushtetin duke ricikluar militantë e duke shpërfaqur dhunë.
“Përpos nxitjes në gjithë historikun e juaj s’keni ditur të bëni gjë, keni dështuar dëshpërimisht të qeverisni, s’keni aftësine as dijeni dhe po mundoheni të mbani pushtetin duke ricikluar militantë e duke shpërfaqur dhunë”.
“Atyre djemve që janë atje ndjesë më të madhe nga unë për keqinterpretimin e qëllimshëm që ju e keni bërë në këtë foltore të Kuvendit”, tha ajo./InLajmi/
