Agjensioni turistik Besa-Trans ka dhënë përgjigje rreth akuzave të ngritura ku u aksidentua autobusi i kesaj kompanie në Bullgari, përcjell InLajmi.
Në reagimin e tyre thuhet se në asnjë mënyrë nuk ka pasur në bagazh benzinë, naftë apo mjete piroteknike siç thuhet për kontrabandim.
Të gjitha këto lajme të cilat po qarkullojnë në media janë spekulime që po përdoren për qëllime keqdashëse, veq tjerash thuhet se kapacieti total i autobusit ka qenë 450-500 litra naftë për shfrytëzim të vet autobusit.
“lusim mediat që mos i përdorin këto dezinformata që edhe më shumë t’i lëndojnë familjarët “ thuhet në njoftim .
Njoftimi i plotë:
Si agjension njoftojmë të gjithë opinionin, familjarët e të të ndjerëve dhe të lënduarve nga rasti tragjik, se autobusi në asnjë mënyrë nuk ka pasur bagazh për kontrabandë me benzinë, naftë apo mjete piroteknike, të gjitha këto spekulime shërbejnë për qëllime keqdashëse duke u munduar që palë të caktuara të shfrytëzojnë nga tragjedia e ndodhur, kapaciteti total i autobusit ka qenë 450-500 litra naftë për shfrytëzim të vetë autobusit, dhe në asnjë mënyrë nuk ka pasur rezervuar rezervë për qëllime kontrabanduese, edhe njëherë lusim mediat që mos i përdorin këto dezinformata që edhe më shumë t’i lëndojnë familjarët, por edhe që bëhet pengesë për procesin e hetuesisë e cila u njoftua edhe zyrtarisht, detajet më të hollësishme i presim nga procesi hetues./InLajmi/
