Sot është mbajtur Komisioni për Ekonomi, Industri, Ndërrmarrësi dhe Tregi, ku temë kryesore ishte shqyrtimi në parim i Projektligjit për Inspektimet, raporton InLajmi.
Nga an e opozirtës është kërkuar që të tërhiqet ky projektligj, pasi sipas tyre nuk do të funksionojë në tërësi.
Ndërsa ministrja e Industrisë, Ndërmarrësisë dhe Tregtisë, Rozeta Hajdari, ka thënë se Projektligji për Inspektimet duhet të procedohet sa më parë.
“Parimisht dua të potencoj që ky Projektligj të shkojë sa më parë për procedim për shkak të inspektimit të tregut dhe duke pasur parasysh rreziqet në treg nga produktet e huaja. Unë pres edhe rekomandime nga anëtarët e këtij komisioni që të japin sugjerimet e juaja”.
Pas kësaj deputeti i AAK-së, Pal Lekaj, si anëtarë i këtij komisioni ka thënë se zyra e kryeministrit po tenton t’i kontrollojë edhe inspektimet.
“Dua ta di sa i përket këtij ligji që përse të konstatohet inspektorati me një agjenci. Cilat kanë qenë mangësitë e funksionimit të inspektoratit ne këtë drejtim, dhe pse duhet ta marrë këtë të drejtë zyra e kryeministrit”.
“A është politike që çdo gjë ta kontrollojë kryeministri apo pse. Për mua është e papranueshme që i tërë inspektori ati të jetë në zyrën e kryeministrit, pra kështu e shoh si rrezik”, pyeti Lekaj
Ndërsa anëtarja e LVV-së, Mimoza Kusari – Lila ka dalë në përkrahje të këtij ligji, ku ka thënë se se me këtë Projektligj është pajtuar edhe Banka Botërore, e cila sipas saj ,ka premtuar përkrahje në këtë drejtim.
“Ka shumë vite që ky projektligj është kërkuar, e sidomos nga Banka Botërore, e kërkoi reforma në fushën e inspektimit, gjë që është premtuar fonde në këtë drejtim”.
“Kemi probleme me funksionim të inspektorëve, një kryetar komune thërret një inspektor tjetër, ndërkaq ministri dikën tjetër, por me këtë bashkërendim tregohet saktë funksionalizimi i inspektorëve dhe serioziteti i Kosovës”.
Pas saj ministrja Hajdari, tha se ky Projektligj ka qenë duke pritur në këtë ministri dhe se nuk është iniciuar nga kjo Qeveri.
“Pse duhet të kemi një strukturë të tillë koordinuese, dhe ky projektligj nuk është iniciuar nga kjo qeveri por që e kam gjetur si draft në ministri që ka pritur për shumë vite për procedim, dhe partnerët ndërkombëtarë kanë pritur që të miratohet ky Projektligj”.
“Është shumë e nevojshme që të koordinojmë inspektorët sepse nuk mund të kryejmë punë me inspektorët e tregut nëse nuk i kemi edhe inspektorët e ushqimit dhe veterinës”.
“Nuk është se po dëshirojmë që ta kemi në dorë, por që është Projektligj që kërkojnë reformë në fushat inspektuese”, tha Hajdari. /InLajmi/
