Operatori i Sistemit, Transmisionit dhe Tregut të energjisë elektrike të Kosovës ka ndërprerë pagesën për 4 komunat veriore rreth rrymës elektrike, raporton InLajmi.
Jeton Mehmeti, kryesuesi i bordit të KOSTT ka bërë të ditur në Komisionin për Ekonomi se marrëveshja mes KOSTT dhe Qeverisë së Kosovës rreth kësaj teme ka përfunduar dhe se gjatë këtij muajit janë ndërprerë këto mjete.
Mehmeti gjithashtu ka thënë se nga viti 2017-ta për pagesën e rrymës në 4-tër komunat veriore shuma totale është 27.806.000 ku 10.000.000 euro janë ndarë nga Qeveria e Kosovës ndërsa mbi 17.000.000 janë paguar nga KOSST.
Ai gjithashtu ka thënë se deri në vitin 2024 mjetet financiare nuk i kthehen KOSTT, atëherë do të ketë vështirësi financiare në operim.
“Nëse ne vazhdojmë edhe vetëm me dhjetorin me pagu atëherë do të kemi humbje deri në 10 milionë euro. Po ashtu edhe nëse hyjmë në vitin tjetër me pagesa atëherë ne nuk do të mund të realizojmë të gjitha planet. Nëse neve nuk na kthehen mjetet të cilat i kemi shpenzuar atëherë ne do të kemi problem që të funksionojmë në operim e po ashtu edhe ndoshta me paga të punëtorëve”, ka thënë Mehmeti. /InLajmi/
