Ministri i Mbrotjes së Kosovës, Armen Mehaj ka udhëtuar në Letoni me ftesë zyrtare nga homolgu i tij, përcjell InLajmi.
Mehaj ka bërë të ditur se gjatë kësaj vizite do të takohet me shefin e Mbrojtjes së Forcave të Armatosura Letoneze, gjenerallejtnant Leonīds Kalniņs.
Ai ka bërë të ditur se me homolgun Pabriks do të nënshkruajnë edhe Memorandumin e Mirëkuptimit, respektivisht Marrëveshjen Bilaterale në mes ministrive të 2 vendeve.
Ministri i Mbrojtjes Mehaj ka thënë si vend siç është Letonia që është anëtare e NATO-s, na lidhë shumëçka.
Postimi i plotë i tij:
Letonia si vend i rëndësishëm i NATO-s- partneri ynë bilateral i radhës.
Me ftesë të homologut tim, ministrit të mbrojtjes së Letonisë, Artis Pabriks, sot nga Kanadaja, udhëtova për vizitë zyrtare në Letoni. Përgjatë vizitës treditore, përveç takimit zyrtar me ministrin Pabriks do të takohem edhe me shefin e Mbrojtjes së Forcave të Armatosura Letoneze, gjenerallejtnant Leonīds Kalniņs, si dhe autoritetet tjera të larta politike dhe ushtarake.
Me homologun tim, ministrin Pabriks do të nënshkruajmë edhe Memorandumin e Mirëkuptimit, respektivisht Marrëveshjen Bilaterale në mes ministrive të dy vendeve.
Me Letoninë, si vend anëtarë i NATO-s, na lidhë shumëçka e përbashkët e mbi të gjitha orientimi ynë i fuqishëm euroatlantik.
Marrëveshja e bashkëpunimit tonë do të jetë një faqe e re e zhvillimit të kapaciteteve të ndërsjella ushtarake në funksion dhe shërbim të sigurisë dhe stabilitetit kontinental dhe më gjerë. /InLajmi/
