Kryeministri i vendit Albin Kurti, ka shprehur ngushëllimet më të sinqerta për familjarët e viktimave dhe të lënduarve në aksidentin tragjik që ndodhi në Bullgari, përcjell InLajmi.
Kurti ka shkruar se në momente të vështira si këto kalohen duke i qëndruar pranë njëri-tjetrit.
Tutje kryeministri Kurti ka shprehur gatishmërinë e plotë për t’i ofruar ndihmë Maqedonisë së Veriut në çdo kapacitet.
Postimi i plotë i tij:
I trishtuar dhe i pikëlluar nga lajmi për aksidentin tragjik në Bullgari.
Shpreh ngushëllimet më të sinqerta dhe ndaj dhimbjen me familjet e viktimave, dhe u bashkohem lutjeve për shërim sa më të shpejtë të të lënduarve. Momente të vështira si këto lehtësohen duke i qëndruar pranë njëri-tjetrit.
Republika e Kosovës bashkëndjen me Maqedoninë e Veriut, popullin e saj dhe të gjithë shqiptarët e tronditur nga ky lajm i kobshëm, dhe shprehë gatishmërinë e plotë për të ofruar ndihmën e saj në çdo kapacitet./InLajmi/
