Gazetari nga Shkupi, Agron Shaqiri, ka bërë një përmbledhje për informacionet që dihen deri tash për aksidentin tragjik në Bullgari, ku mbetën të vdekur 46 persona. Shaqiri thotë se sipas informacioneve jozyrtare, në autobus kishte shtetas shqiptarë dhe maqedonas.
“Trupat e djegur të 46 personave që udhëtonin në një autobus maqedonas, dhe shtatë të mbijetuar, është epilogu i aksidentit të tmerrshëm trafiku pas të cilit autobusi mori flakë mëngjesin e sotëm në autostradën bullgare “Struma”, në zonën e fshati Bosnek. Sipas informacioneve jozyrtare, 45 ose 46 pasagjerë nga 52 kanë humbur jetën, por ende nuk dihet numri i saktë.
Sipas të dhënave të marra nga institucionet kompetente në Bullgari, autobusi ishte i Agjencisë “Besa Trans”. Sipas informacioneve jozyrtare, në të kishte shtetas maqedonas dhe shqiptarë”, ka shkruar Shaqiri.
Shaqiri ka treguar se sipas informacioneve, pasagjerët po ktheheshin nga Stambolli.
“Sipas informacioneve jozyrtare, pasagjerët po ktheheshin nga Stambolli. Autobusi ka hyrë mbrëmë pas orës 21:00 në Bullgari përmes pikës kufitare Kapitan Andreevo (në kufirin bullgaro-turk), ndërsa sot në mëngjes rreth orës 03:00 në autostradën “Struma” në drejtimin Sofje – Bllagoevgrad ka ndodhur aksidenti”, ka shkruar ai.
Ndryshe, Ministrja për Evropën dhe Punët e Jashtme të Shqipërisë, Olta Xhaçka, ka thënë se 45 viktimat nga aksidenti tragjik në Bullgari janë shqiptarë nga Maqedonia e Veriut.
Përmes një postimi në Twitter, ajo u ka shprehur ngushëllime familjeve të viktimave, përcjell Gazeta Express.
“Dhimbje e madhe për 45 jetët e humbura të shqiptarëve nga Maqedonia e Veriut gjatë aksidentit tragjik në Bullgari. Ngushëllimet më të sinqerta familjeve të viktimave dhe shërim të shpejtë të plagosurve. Flag of Albania është pranë Flag of Macedonia në këtë moment të vështirë! “, ka shkruar Xhaçka
Postimi i plotë i tij:
AKSIDENT I AUTOBUSIT NË BULLGARI, 46 TË VDEKUR DHE 7 TË LËNDUAR
Trupat e djegur të 46 personave që udhëtonin në një autobus maqedonas, dhe shtatë të mbijetuar, është epilogu i aksidentit të tmerrshëm trafiku pas të cilit autobusi mori flakë mëngjesin e sotëm në autostradën bullgare “Struma”, në zonën e fshati Bosnek. Sipas informacioneve jozyrtare, 45 ose 46 pasagjerë nga 52 kanë humbur jetën, por ende nuk dihet numri i saktë.
Sipas të dhënave të marra nga institucionet kompetente në Bullgari, autobusi ishte i autobusit “Besa Trans”. Sipas informacioneve jozyrtare, në të kishte shtetas maqedonas dhe shqiptarë.
Sipas Bgnes, 12 të mitur ishin mes të vdekurve, duke përfshirë edhe dy binjakë. Në aksident ka humbur jetën edhe shoferi. 7 persona kanë shpëtuar – 2 femra dhe 5 meshkuj, gjendja shëndetësore e të cilëve cilësohet stabile dhe janë vendosur në spitalin “Pirogov”.
Sipas informacioneve jozyrtare, pasagjerët po ktheheshin nga Stambolli. Autobusi ka hyrë mbrëmë pas orës 21:00 në Bullgari përmes pikës kufitare Kapitan Andreevo (në kufirin bullgaro-turk), ndërsa sot në mëngjes rreth orës 03:00 në autostradën “Struma” në drejtimin Sofje – Bllagoevgrad ka ndodhur aksidenti.
“Kjo është një tragjedi njerëzore e panjohur në përmasat e saj,” ka th;n; zëvendësprokurori i përgjithshëm Borislav Sarafov këtë mëngjes.
Sipas tij, trupat janë tërësisht të djegur. Në vendin e ngjarjes ka shkuar menjëherë një ekip mjekësh ligjor. Nga të dhënat e para mësohet se mes viktimave nuk ka shtetas bullgarë dhe supozohet se janë shtetas të Maqedonisë s; Veriut. Ekzistojnë dy versione të aksidentit: gabim i shoferit ose mosfunksionim teknik i papritur.
Shtatë të mbijetuar
Shtatë personat që i mbijetuan aksidentit janë në gjendje të qëndrueshme shëndetësore.
“Spitali Pirogov strehon shtatë persona, me djegie në fytyrë dhe probleme në rrugët e sipërme të frymëmarrjes. Dy prej tyre kanë djegie në duar, ndërsa tjetri me plagë nga prerje”, ka thënë prof. Maja Argirova, shefe e Klinikës për djegie në Pirogov.
I plagosuri i shtatë kishte thyerje të kofshës dhe ishte vendosur në repartin e traumatologjisë. Sipas mediave, pasagjeri më i ri i shtruar në spital është 15 vjeç.
“Njerëzit janë në trauma të rënda, kanë humbur të afërmit, fëmijët. Ata ishin hedhur nga xhamat e autobusit, kështu që kanë pësuar edhe lëndim ”, ka thënë Argirova. Ata u dërguan në spital pas orës 3 të mëngjesit.
Pas tragjedisë, në vendin e aksidentit ka mbërritur edhe kryeministri i qeverisë së përkohshme, Stefan Janev, i shoqëruar nga disa bashkëpunëtorë.
“Kjo është një tragjedi që na ka tronditur shumë”, tha Janev, i cili shprehu ngushëllimet e tij për familjet e viktimave dhe paralajmëroi hetim të plotë, duke shpresuar se do të nxirren mësime nga ky rast.
“Fotografia është e tmerrshme, nuk kam parë kurrë diçka të tillë. “Askush nuk mund të thotë se sa janë, as kush janë, ata ende nuk janë identifikuar”, ka thënë ministri i Brendshëm Bojko Rashkov.
Sipas tij, për momentin nuk dihet numri i saktë i pasagjerëve në autobus, pasi dyshohet se katër autobusë kanë lëvizur në autokolona, janë ndalur në stacionet e pushimit të pasagjerëve dhe mendohet se mund të ketë pasur transferim të pasagjerëve nga një autobus tek një tjetër.
Fillimisht u mendua se në autobus ndodheshin 52 pasagjerë.
“Në kilometrin e 31 të autostradës ka ndodhur një aksident trafiku me një autobus në të cilin udhëtonin 52 persona, si pasojë e të cilit ka rënë zjarr. “45 persona kanë humbur jetën”, ka thënë shefi i Shërbimit Zjarrfikës, Nikolai Nikolov, menjëherë pas aksidentit.
Vijojnë veprimet këqyrje dhe hetimore në terren paraditen e sotme.
“Arsyet e aksidentit mund të jenë të shumta, shoferi mund të ketë rënë në gjumë, dhe mund të ketë edhe ndonjë arsye tjetër. Prej ditës së djeshme ka rënë shi dhe ky seksion është ndër më të vështirat në vendin tonë. Ka një pjerrësi të madhe, një nivelim të madh”, ka thënë kryetari i komunës së Pernikut, Stanislav Vladimirov, në vendin e aksidentit.
Sipas ekspertëve bullgarë të rrugës dhe trafikut, ky seksion konsiderohet i vështirë. Vrimat ishin riparuar atje gjatë gjithë verës, shpesh në këtë vend vozitet me shpejtësi dhe kanë ndodhur një sërë aksidentesh.
Kryeministri Zoran Zaev ka nisur mëngjesin e sotëm për në Bullgari. Aksidenti u raportua herët në mëngjes nga presidenti bullgar Rumen Radev dhe kryeministri Stefan Janev. Anëtarët e kabinetit të Zaevit kanë shkuar gjithashtu me të, të shoqëruara edhe nga ekipe kompetente vendase.
