Kryeministri i Kosovës, Albin Kurti gjatë vizitës së fundmi në Austri ka thënë se Kosova ka përmbushur të gjitha kriteret për liberalizmin vizave.
Ai po ashtu tha se, Kosova ka plotësuar më shumë kritere se vendet tjera të rajonit
Gjatë një ligjëratë në Vjenë me temën “Kosova, një rreze shprese për demokracinë në Evropën Juglindore”, u shpreh se, Bashkimi Evropian duhet të heqë vizat për Kosovën.
Tutje, Kurti tha se nga partnerët e BE-së, përveç liberalizimit të vizave pret edhe ndihmë në njohjen e pavarësisë së Kosovës nga 5 vendet e BE-së që nuk e kanë bërë një gjë të tillë, transmeton IndeksOnline.
“Austria duhet të na ndihmojë me 5 vendet që nuk e kanë njohur Kosovën. Po ashtu liberalizimi i vizave për Kosovën. 95 nga kriteret janë plotësuar që janë më shumë se sa kriteret që janë plotësuar nga Shqipëria, Maqedonia e Veriut apo Serbia. BE duhet të liberalizojë vizat për qytetarët e Kosovës”, theksoi kryeministri Kurti.
