Grupi parlamentar Aleancës për Ardhmërinë e Kosovës, në Kuvendin e Kosovës kanë mbajtur tryezë, ku kanë dikutuar për Pagat në sektorin publik, statusi aktual i projekligjit si dhe urgjenca e procedimit të tij, raporton InLajmi.
Kreu i AAK-së, Ramush Haradinaj në këtë tryezë tha se , nëse nga ana jonë nuk përcillet trendi i rritjes lineare, rrezikohet sektori publik në Kosovë.
“Nëse ne nuk e përcjellim trendin e rritjes lineare që është një mandat 4 vjeçar mbi 20% fuqizojmë këtë ligj tani ne jemi ka e rrezikojmë krejt sektorit publik në Kosovë. Institucionet nuk po e rrezikojnë vetëm administratën, ose vetëm arsimin e shëndetësinë, por po e rrezikojnë direkt qytetarin, për shkak se ai është përfitues i këtyre shërbimeve”, u shpreh Haradinaj.
Tutje Haradinaj tha se me rritjen e çmimeve le që do të varfërohen sektorët publik, por edhe kualiteti në shërbim do të dobësohet.
“Problemi ka me qenë që me kalimin e kohës jo vetëm që do të varfërohen këta që janë në sektor publik, sepse janë rritur çmimet e po ndodh rritja e kostos së jetës, por problemi do të jetë shumë më i madh, pra përpos demotivimit, kjo do të jep kualitet më të dobët në shërbim, pra cilido shërbim do të bie në cilësi”, tha ai.
Gjithashtu ai shtoi se kjo nuk është e tëra që mund të ndodhë por se mund ta humbasim edhe kuadrin e nivelit të mirë për të qenë shërbyes publik për shkak të ofertës në treg.
“Por, jo vetëm kaq, do ta humbim kuadrin, cilido kuadër i nivelit të mirë do ta ketë problem ta vazhdoi besnikërinë e vet ose përcaktimin e tij me qenë shërbyes publik për shkak të ofertës në treg ose për shkak të ofertës që i japin edhe palët e tjera, si rasti i vendeve të BE-së e i ekonomive të tjera”, tha Haradinaj.
Sharadinaj ka kërkuar që të sillet menjëherë në Kuvend, Ligji i Pagave.
“Sipas meje është mjaftë e nevojshme që ta sjellim në parlament Ligjin e Pagave menjëherë, duke mos u vonuar, pra mos ta pengojmë ne këtë ligj në asnjë mënyrë, t’ia fillojë me kohë, të ketë planifikim buxhetor për vitin që vjen, të ndodh pastaj edhe rritja lineare, ajo ka qenë praktik dhe duhet vazhduar”, shtoi kreu i AAK-së./InLajmi/
