Familjarët e 8-vjeçarit Mateo kanë mbërritur në paraburgimin e Vlorës dhe kërkojnë drejtësi për fëmijën, i cili u rrëmbye dhe u vra nga fqinji i tij.
Ata vijojnë të mbajnë të bllokuar bulevardin kryesor “Ismail Qemali”, duke i bërë thirrje popullit të Vlorës t’i bashkohet drejtësisë për Mateon, përcjell Top Channel.
Ata janë ulur në bulevardin kryesor të Vlorës duke thirrur me të madhe Drejtësi për Mateon. Trafik i rënduar është krijuar, ndërsa disa prej qytetarëve kanë lënë makinat dhe kanë dalë jashtë tyre.
