Votuesit në Bullgari po hedhin sërish votën e tyre në balotazhin e zgjedhjeve presidenciale.
Raundi i parë i votimit të mbajtur fundjavën e kaluar nuk arriti të nxirrte një fitues të qartë, me asnjë nga kandidatët në gjendje të siguronte më shumë se 50% të votave.
Presidenti Rumen Radev, një ish-pilot luftarak, siguroi 49% në raundin e parë dhe konsiderohet si kryesuesi.
Radev ka mbështetjen e Partisë Socialiste Bullgare dhe është një kritik i zjarrtë i ish-kryeministrit Bojko Borisov.
Borisov është kreu i partisë së qendrës së djathtë GERB, e cila ka luftuar me akuzat për korrupsion.
Radev në të kaluarën ka kërkuar të mbajë lidhje të ngushta me Rusinë, por ai duket se ka ndryshuar perceptimet se ai është pro-rus.
Kundërshtari i Radev, kandidati i pavarur Anastas Gerdzhikov, mori vetëm 23% të votave në raundin e parë.
Gerdzhikov është rektor i Universitetit të Sofjes dhe mbështetet nga konservatorët e Borisov. Akademiku është një mbështetës i fortë i aleancave perëndimore të vendit dhe mbështet reformimin e gjyqësorit të vendit dhe dëshiron të përmirësojë mjedisin e biznesit, raporton DW.
Disa janë të mendimit se një fitore për Radev mund të sjellë një nivel të stabilitetit politik, transmeton Klankosova.tv.
Ekziston gjithashtu një ndjenjë e fortë se votimi do të përcaktojë mënyrën se si vendi do të trajtojë korrupsionin.
