Ministri i Mborjtjes së Kosovës, Armen Mehaj ka bërë të ditur se ka marr pjesë në Forumin në Halifax, përcjell InLajmi.
Mehaj ka shkruar se gjatë këtij forumi ka takuar Komandantin e Komandës së Operacioneve Speciale të Forcave të Armatosura të SHBA-së, Gjeneral me 4 yje Richard D.Clarke si dhe stafin e tij.
Ai gjithashtu ka bërë të ditur se gjatë këtij takimi është biseduar për për përkrahjen e vazhdueshme të ofruar nga Shtetet e Bashkuara të Amerikës, për çka edhe i ka falënderuar.
Postimi i plotë i tij:
Forcat Amerikane janë modeli ynë i stërvitjes dhe operacioneve ushtarake.
Gjatë Forumit në Halifax, kisha kënaqësinë që të zhvilloj takimin e radhës me Komandantin e Komandës së Operacioneve Speciale të Forcave të Armatosura të SHBA-së, Gjeneral me 4 yje Richard D.Clarke si dhe stafin e tij.
Në atmosferë tejët miqësore diskutuam për përkrahjen e vazhdueshme të ofruar nga Shtetet e Bashkuara të Amerikës, për çka shpreha falenderimin tim.
Së bashku shkëmbyem opinione rreth zhvillimeve aktuale në aspektin e mbrojtjes dhe sigurisë, si në nivelin nacional, e poashtu edhe në atë rajonal e global.
Gjithashtu, ritheksova rëndësinë e pranisë së një baze të përhershme ushtarake në Republikën e Kosovës, gjë që do të ishte në benefit jo vetëm të Kosovës, por edhe gjithë rajonit dhe më gjerë. /InLajmi/
