Mediumi gjerman, Bild ka njoftuar se Bayern nuk do ta paguajë futbollistin e tyre Joshua Kimmich për periudhën që ai do të duhet të kalojë në karantinë, pasi ai po refuzon të vaksinohet.
Bajerni vendosi për sanksione konkrete, ndaj Kimmich dhe atij do t’i hiqen rreth 800 mijë euro nga paga totale vjetore – sepse vendimet e tij rrezikuan klubin.
Kujtojmë, Kimmich nuk ishte i grumbulluar në ndeshjen e së premtes ndaj Augsburg, dhe bavarezët humbën ndeshjen 2:1. Kimmich nuk ishte në dispozicion, sepse dikush me të cilin ai ishte në kontakt të ngushtë ishte pozitiv me koronavirus dhe ai nuk ishte i vaksinuar – kështu që ai automatikisht duhej të karantinohej.
Sport 1 ka publikuar sot lajmin kryesor të gazetarit të tyre, Pete Gottschalk me titull “Urime shefave të Bayernit”, në të cilin siç duket edhe nga titulli, Gottschalk vlerësoi vendimin e klubit bavarez, përcjell GazetaBlic Sport.
“Askush nuk është më i madh se klubi. As Joshua Kimmich”, shkruhet ndër të tjera.
