Kandidati për kryetar në komunën e Dragashit, Behxhet Xheladini, ka folur në lidhje me vendimin e PZAP-së, për votat në Dragash, raporton InLajmi.
Xheladini tha se në ankesën e tyre të përgatitur për Gjykatën Supreme, kanë bashkangjitur të gjitha provat që vërtetojnë qy ky proces zgjedhor nga ana e mërgatës ka qenë i pastër.
Tutje ai shtoi se kësaj ankese gjithashtu i janë bashkangjitur edhe 200 deklarata të votuesve nga mërgata.
“Ne kemi përgatitur një ankesë e cila vjen pas vendimit të PZAP-së për anulimin e votave nga diaspora. Ne në këtë ankesë kemi bashkangjitur të gjitha provat që vërtetojnë që procesi zgjedhor nga ana e mërgatës ka qenë i rregullt dhe i pastër si loti. Ne kemi përgatitur një dosje të gjerë në të cilën kemi dëshmuar dhe dëshmojmë para Supremes që vendimi i PZAP-së nuk ka qenë i drejtë dhe ka qenë skandaloz për arsye se mua mu ka marr fitorja në tavolinë. Kësaj ankese përveç të tjerash ia kemi bashkangjitur edhe afro 200 deklarata të votuesve tanë të mërgatës që pas këtij vendimi kanë qenë jashtëzakonisht të shqetësuar”, ka thënë ai./InLajmi/
