E para e vendit, Vjosa Osmani, në prag të Ditës Ndërkombëtare të Fëmijëve, me fjalët më të mira ka uruar të gjithë fëmijët, përcjell InLajmi.
Osmani, tha se derisa sot po e shënojmë këtë ditë, uron që zemra e çdo fëmije të gëzohet përgjithnjë, dhe gjatë rrugëtimit të tyre të kenë veç të mira.
‘’Sot, kur po e shënojmë këtë ditë të veçantë për ta, uroj që zemra e çdo fëmije të gëzohet përgjithnjë, që mendjet e tyre të mbesin përherë kurreshtare e që në rrugëtimin e tyre jetësor të mirat t’i përcjellin hap pas hapi. Por, këtë vit uroj mbi të gjitha më shumë barazi, qasje e gjithpërfshirje’’, tha ajo.
Ndryshe, përmes një statusi në Facebook, Osmani, urimit në Ditën e Fëmijëve ia ka bashkangjitur një fotografi, me Riadin, një mysafir i veçantë i saj, i cili e ka vizituar dje në zyrë.
Postimi i plotë i saj:
Në prag të Ditës Ndërkombëtare të Fëmijëve, ditë më parë e prita në zyrën time një mysafir të veçantë. Rijadi, shok imi prej më shumë se një viti, zemërëmbël, na e rikujtoi se çfarë është me të vërtetë e rëndësishme në jetë.
Sot, kur po e shënojmë këtë ditë të veçantë për ta, uroj që zemra e çdo fëmije të gëzohet përgjithnjë, që mendjet e tyre të mbesin përherë kurreshtare e që në rrugëtimin e tyre jetësor të mirat t’i përcjellin hap pas hapi. Por, këtë vit uroj mbi të gjitha më shumë barazi, qasje e gjithpërfshirje.
Ne në Presidencë, së bashku me Rijadin dhe gjithë ekipin, do të punojmë me ngulm që ta jetësojmë këtë qëllim.
Urime Ditën Ndërkombëtare të Fëmijëve!
/InLajmi/
