Kryetari i Lëvizjes për Bashkim, Valon Murati ka reaguar, ka reagur në lidhje me deklaratën e kryministrit Kurti, i cili tha se në rast të një referendumi ai do të votonte për bashkim me Shqipërinë, përcjell InLajmi.
Murati ka kërkuar nga kryeministri Kurti për të treguar se çfarë hapash do të ndërmarr ai për ta mundësuar oraganizimin e një referendumi të tillë.
“Kryeministri Kurti për të satën herë prej që është bërë kryeministër deklaron se në rast të një referendumi ai do të votonte për bashkim me Shqipërinë. Në të vërtetë kryeministri do të duhej të na tregonte se çfarë hapash do të ndërmarrë ai për të mundësuar organizimin e një referendumi të tillë”, ka shkruar ai.
Postimi i plotë i tij:
Kryeministri Kurti duhet të tregojë sesi bëhet bashkimi, e jo si do të votonte ai në një referendum të mundshëm!
Kryeministri Kurti për të satën herë prej që është bërë kryeministër deklaron se në rast të një referendumi ai do të votonte për bashkim me Shqipërinë. Në të vërtetë kryeministri do të duhej të na tregonte se çfarë hapash do të ndërmarrë ai për të mundësuar organizimin e një referendumi të tillë. Po ia rikujtoj kryeministrit se bashkimi është i ndaluar me Kushtetutën e Kosovës; se ndryshimi i kushtetutës është i kushtëzuar me votën e 2/3 të deputetëve të pakicave (përkatësisht së paku nja katër deputetë të Listës Serbe do të duhej të votonin për ndryshim); si dhe se referendumi për ndryshimin e kushtetutës po ashtu nuk lejohet me këtë kushtetutë. Bashkimi nuk është çështje vullneti por ndalesash e pengesash, si dhe i varur nga konteksti rajonal e ai ndërkombëtar. Kryeministri Kurti duhet të nga tregojë se si do t’i eliminojë këto pengesa e ndalesa e jo të fshihet pas një votimi hipotetik, për të cilin personalisht nuk dyshoj në rezultatin e tij të bindshëm në favor të bashkimit./InLajmi/
