Poeti nga Kërçova, Adem Xheladini, e ka quajtur lypsar e mjeran aktorin nga Kosova Çun Lajçin, pasi aktori korovar të premten kishte dalë në sheshin e Shkupit për të shitur disa nga librat e tij, përcjell InLajmi.
Dhe e menjëhershme ka qenë përgjigja e Çun Lajqit kundër Adem Xheladinit, i cili i ka thënë se, nuk jam lypsar e mjrena, por jam shitës i librave të mi.
“Por, ai n’vend se t’vinte n’shesh të librat e mi, (mëqë qenka profesor e poet) e t’me uronte shitje të mbarë, zgjodhi të shkruente zi e ma zi për mua. Jo mik, unë s’jam lypsarë, (siç me quen ti që qenke zotni), por shitës i veprave të mia, që asht nder e madhështi me i qëndrua librit pranë!”, shkruan ndër tjerash Lajçi.
Postimi i plotë i tij:
Nji shkrim sa me thanë!
S’e njoh Adem Xheladinin, por deri sa merret me aktivitetin tim, len me kuptua se e njeh mirë kush asht Çuni, se i kallxojnë rolet n’teatër e n’filma e 13-të vepra t’botueme e t’lexueme gjithandej shqiptarisë!
Por, ai n’vend se t’vinte n’shesh të librat e mi, (mëqë qenka profesor e poet) e t’me uronte shitje të mbarë, zgjodhi të shkruente zi e ma zi për mua.
Jo mik, unë s’jam lypsarë, (siç me quen ti që qenke zotni), por shitës i veprave të mia, që asht nder e madhështi me i qëndrua librit pranë!
Me quen mjeran që s’marr pjesë në Panairin e Librit në Tiranë! Po ç’punë kam aty? Mos jam botues unë?
Që m’paska dhanë pare Ministria e Maqedonisë së veriut, ti duhet t’jeshë o i marrë o totalisht shpirt katran, se unë jam kosovarë e s’e kam atë të drejt, pastaj mund ta vertëtosh që sonte, se minarja nuk mëshefet n’thes!
Sharkinë (që ty të pengueka), po, kurrë s’e hjeki nga dora, as lahutën as çiftelinë, se jam krenar me folklorin e popullit tim dhe e dua me shpirt!
P.S
Kush i blenë librat e mi e sa kushtojnë, asht puna ime se unë ua ve çmimin, por duart n’xhepa s’ua fus mërgimtarve miku profesor!
Tash e mbajsh me shnet marrinë që e paske shkrua e tjetër herë afrohu, se ti dhuroj me dedikim veprat e mia, se qenke profesor dhe e meriton besoj!/InLajmi/
