Kreu i PDK-së Memli Krasniqi ka vizituar komunën e Vushtrrisë, ku u prit nga kryetari i kësaj komune Ferit Idrizi, të cilin e ka uruar për fitoren e tij si kryetar, përcjell InLajmi.
Krasniqi ka shkruar se tani është koha që komunës së Vushtrrisë dhe qytetarëve t’i kthehen punët e mira dhe investimet.
Tutje ai ka falënderuar nga zemra të gjithë qytetarët e Vushtrrisë për besimin e Partisë Demokratike të Kosovës.
Postimi i plotë i tij:
Në Vushtrri, për ta uruar Kryetarin e zgjedhur, Ferit Idrizi, për fitoren e madhe të 14 nëntorit. Tani, koha është që qytetit dhe qytetarëve të Vushtrrisë t’u kthehen punët e mira dhe investimet. Këtë më së miri do ta bëjë Ferit Idrizi, një personalitet që nuk u ndalë asnjëherë së besuari në vlerat e Vushtrrisë dhe i cili jeton tash e sa dekada me hallet e përditshme të bashkëqytetarëve të tij.
Falënderoj nga zemra të gjithë qytetarët e Vushtrrisë për besimin në Partinë Demokratike të Kosovës. Feriti do të jetë Kryetar i të gjithëve, pa dallim, për ta kthyer shpresën e qeverisjen e mirë në Vushtrri – çfarë e meritojnë qytetarët e saj./InLajmi/
