Shefi i stafit në Kuvendin e Kosovës, Ilir Kërçeli, ka reaguar pasi deputeti i AAK-së Bekë Berisha, ua solli disa pije kryeministrit Kurti dhe kryeparlamentarit Konjufca e që ato pije dolën të jenë produkte serbe, përcjell InLajmi.
Kërçeli përmes një shkrimi ka bërë të ditur se byfeja në Kuvendin e Kosovës ka privatizuar shërbimet duke ia ofruar një operatori privat.
Tutje Kërçeli ka shkruar se ky operator ka marrëveshje të nënshkruar me Kuvendin prej 15 vitesh.
Postimi i plotë i Kërçelit
Rreth produkteve serbe në Kuvendin e Kosovës.
1.Kuvendi i Kosovës ka privatizuar shërbimet e byfesë, duke ja ofruar një operatori privat.
2.Ky operator privat, ka marrëveshje me Kuvendin tash e mbi 15 vite.
3.Këtë marrëveshje apo kontratë, kjo legjislaturë e re, e ka gjetur në Kuvendin e Kosovës (dmth këto shërbime ofrohen para ardhjes së kryeparlamentarit Konjufca)
4.Kabineti i Kryetarit, ka kërkuar që këto produkte mos të shërbehen më në Kuvendin e Kosovës (shih emailin)
5.Kuvendi i Kosovës si pasojë e shërbimeve jo profesionale, ka njoftuar operatorin se i shkëputet kontrata.
6.Të gjitha këto veprime janë bërë shumë kohë para përformancës së sotshme të deputetit Bekë Berisha.
Kjo është e vërteta rreth produkteve serbe në Kuvendin e Kosovës./InLajmi/
