Komiteti i Gjilanit për parandalimin e përhapjes së koronavirusit, nën udhëheqjen e kryetarit në detyrë, Lutfi Haziri, ka mbajtur takimin e rregullt për vlerësimin e situatës së përballjes me këtë virus në 2 ditët e fundit, përcjell InLajmi.
Kryetari Haziri tha se numri i të infektuarve me COVID-19 është ulur në tetë persona, ndërkohë që ka bërë të ditur se 61% e qytetarëve janë vaksinuar me vaksinën e parë dhe 53 % me vaksinën e 2-të.
“Të gjitha vlerësimet dhe raportet ditore tregojnë qartë që gjendja pandemike në Gjilan është në nivelin më të ulët të numrit të të infektuarve, ku vetën 8 persona janë në vet-izolim asnjë rast nuk e kemi në hospitalizim, sikurse që në 2 javët e fundit asnjë kërkesë nuk e kemi pasur nga qytetarët për trajtim në shtëpi”, ka thënë kryetari Haziri.
Kryetari Haziri ka apeluar qytetarët që të vazhdojnë të vaksinohen, si mënyra më e mirë e imunizimit kolektiv të popullatës. /InLajmi/
