Kuvendi i Kosovës ka mbajtur mbledhjen e radhës në të cilën ka marr fjalën shefi i Grupit Parlamentar të LDK-së, Arben Gashi ku ka thënë se mbështesin ratifikimin e marrëveshjeve ndërkombëtare për dallim nga Ministri i Financave Hekuran Murati që sa ishte në opozitë i kundërshtonte, raporton InLajmi.
“Ne si parti opozitare deklarojmë përkrahjen e kësaj marrëveshje por ia rikujtojmë ministrit të Financave se sa ishte në opozitë këto marrëveshjet ndërkombëtare me rëndësi financiare për Kosovën me një zell të jashtëzakonshëm i refuzonte dhe i kundërshtonte”, tha Gashi.
Gashi gjithashtu ka thënë se këto marrëveshje janë me rëndësi për Kosovën.
“Marrëveshjet ndërkombëtare me rëndësi financiare për Kosovën dhe marrëveshjet strategjike që kanë të bëjnë me interesin e qytetarëve drejtpërdrejt për kualitetin e ajrit janë me rëndëi të veçantë”, tha ai. /InLajmi/
