Manchester United po përballet me mundësinë e humbjes së Jesse Lingard në verë, pasi mesfushori ka refuzuar tashmë një ofertë për të zgjatur marrëveshjen e tij, dhe nuk ka plane të rifillojë negociatat pasi nuk po i jepet hapësirë për të luajtur.
28-vjeçari është i vendosur të gjejë futboll të rregullt të ekipit të parë në një përpjekje për të rifituar vendin e tij në skuadrën e Anglisë para Kupës së Botës në Katar.
Një mori klubesh evropiane duke përfshirë Barcelonën dhe AC Milan kanë shprehur interesim për Lingard, i cili mund të shkojë pa pagesë, ndërsa West Ham, Newcastle, Tottenham dhe Everton po ashtu janë të interesuar, raporton ESPN, transmeton Klankosova.tv.
Lingard shijoi një periudhë të suksesshme huazimi në West Ham sezonin e kaluar, duke shënuar 9 gola në 16 ndeshje për të fituar një vend në skuadrën provizore të Southgate për Euro 2020.
