Shefi i Grupit Parlamentar nga radhët e PDK-së, Abelard Tahiri, ka kritikuar qeverinë duke thënë se mosfunkisionimi i kësaj të fundit ka dëmtuar shumë parti, përcjell InLajmi.
Në një konferencë për media, Tahiri ka thënë se sa i përket funksionimit të Kuvendit, nuk kemi arritë me pas ndonjë funksionim të mirëfilltë, i cili do t’i dilte në ndihmë qytetarëve.
“Sa i përket funksionimit të Kuvendit, tash e një kohë jemi dëshmitar që nuk kemi pasë mbarëvajtjen të duhur. Përgjegjësia bie mbi mazhorancës që është tregu joefikase në shumë aspekte. S’kemi arritur që nga fillimi me pasë një funksionim të mirëfilltë i icili do t’i përgjigjej edhe nevojave të qytetarëve”.
Më pas, Tahiri theksoi duke thënë se Partia Demokratike e Kosovës, ka kërkuar që të mblidhet Kryesia e Kuvendit edhe kur ishte kriza e pandemisë verës, dhe dihet qëndrimi i saj për mbledhjet.
“Mosfunksionimi i Qeverisë ka dëmtuar shumë parti, pasi janë mbet pezull shumë projekte të ndryshme. Prandaj, prej fillimit nuk kemi parë angazhim për përmirësim të efikasitetit. Dihet qëndrimi i PDK-së, që edhe gjatë verës kur ishte kriza e pandemisë kemi tregu përkushtimin dhe angazhimin tonë e kemi kërkuar që të mblidhemi më herët, t’i ndërpremë pushimet. Mirëpo, kjo mazhorancë ka vazhduar me ritmin e njëjtë”, tha ai./InLajmi/
