Shaqir Totaj, kryetari i zgjedhur i Komunës së Prizrenit, tha se përmes votës së qytetarëve të cilët e kanë votuar , premton se nesër do t’i bëj nder Prizrenit, përcjell InLajmi.
Totaj, përmes një shkrimi në rrjetet sociale, tha se nuk mund t’i falenderoj sa duhet për mbështetjen e qytetarëve gjatë gjithë kësaj kohe.
Tutje, shtoi se e presin shumë punë që Prizrenit t’i kthehet dinjiteti.
Postimi i plotë i tij:
Të dashur prizrenasit e mi,
Nuk mund të ju falënderoj sa duhet për mbështetjen tuaj gjatë gjithë kësaj kohe. Ajo që keni bërë ju dje, ju premtoj se do t’i bëjë nder Prizrenit nesër.
Jam jashtëzakonisht krenar me secilin prej jush për vetëdijen e lartë qytetare e politike. Që përqafuat ndryshimin dhe një të ardhme më të mirë për Prizrenin dhe qytetarët tanë.
Na pret shumë punë e përkushtim që qytetit tonë t’ia kthejmë dinjitetin. Por do të punojmë bashkë, në secilin hap e secilën punë, me respekt e pa dallime.
Kështu do ta bëjmë Prizrenin ashtu siç duhet të jetë – qytet i dashur, i zhvilluar e për të gjithë.
I juaji
Shaqa
/InLajmi/
